Calvary Burmese Church

ကရာနီမြန်မာအသင်းတော်

သမ္မာကျမ်းစာမှ ပုဂ္ဂိုလ်များ (ပေတရု)

Peter 3ဂရိဘာသာ စကားဖြင့် Petros ဟုခေါ်သော ပေတရု ၏အနက်အဓိပ္ပါယ်သည် ကျောက် (rock) ဖြစ်သည်။ သမ္မာကျမ်းစာတွင် ပေတရု ကို မသဲ ၄း၁၈ တွင် အဦးဆုံး တွေ့ရှိရပြီး အေဒီ ၆၄ ခုနှစ် ပတ်ဝန်းကျင်ခန့်တွင် သေသည်ဟု သမိုင်းသုတေသီ အများစုက ယူဆသည်။ သူသည် သခင်ယေရှု၏ အရင်းနှီးဆုံး လူသုံးဦးတွင် တစ်ယောက် အပါအ၀င်ဖြစ်သည်။ တံငါသည် အလုပ်ဖြင့် အသက်မွေးဝမ်းကြောင်းခဲ့သူ ဖြစ်ပြီး သခင်ယေရှု နောက်လိုက်ရန် သူ၏ ငါးဖမ်းပိုက်၊ လှေ နှင့် တံငှါသည် ဘ၀ကို စွန့်ခွါခဲ့သူဖြစ်သည်။

ဂေသရှေမန် ဥယျဉ်ထဲ ယေရှုကို ဖမ်းရန် လာသည့် ဗိမ္မန်တော်စောင့် တပ်သား တစ်ယောက်၏ နားရွက်ကို ဓါးဖြင့် ဖြတ်ကာ ကာကွယ်ရန် ကျိူးစား ခဲ့သည့်သူဖြစ်သည်။ ထို့အပြင် သခင်ယေရှုသည် သန့်ရှင်းမြင့်မြတ်သော ဘုရားသား တော်ဖြစ်ကြောင်း တမန်တော် ၁၂ ပါးအနက် ပထမဦးဆုံး နှုတ်ဖြင့် ၀န်ခံ ခဲ့သူဖြစ်သည်။ သို့သော် ပေတရု ကို သူ၏ သခင်ယေရှု အပေါ် သစ္စာစောင့်သိခြင်း အမှုအရာများထက်၊ သူ၏ ငြင်းပယ်ခြင်း အရာတွင် ပို၍လူသိများသည်။ သခင်ယေရှု ဖမ်းဆီးခံရစဉ် သူ့ကို လုံးဝ မသိရှိဖူးကြောင်း ၃ ကြိမ် တိုင်တိုင် ငြင်းပယ်ခဲ့သည်။ သခင်ယေရှု နှင့် အတူ အသတ်ခံရမည်ကို ကြောက်ရွံ့ခဲ့ပုံ ရပါသည်။ ထို့ကြောင့် နောက်နှစ်ပေါင်း ၃၀ ခန့် ကြာသော အချိန်တွင် သူသည် သခင်ယေရှု အတွက် ထိုက်တန်သူ မဟုတ်ကြောင်း၊ ကားတိုင်ပေါ်တွင် ပြောင်းပြန် အသတ်ခံရန် မျှသာ သင့်တော်ကြောင်း ခံစားခဲ့သည်ဟု ပြောစမှတ်ပြုခဲ့သည်။

ပေတရု၏ ဘ၀တဆစ်ချိုး
ပေတရု သည် ဂါလိလဲ ရေအိုင် ကြီး၏ မြောက်ဖက်ကမ်းရိုးတန်းတွင် ရှိသော Bethsaida တံငါရွာကလေးတွင် မွေးဖွါးခဲ့ပြီး တံငှါ လုပ်ငန်းတွင် ကျွမ်းကြင်သူ တစ်ယောက်ဖြစ်သည်။ ယခင်က သူ့ကို Jonah ၏ သား Simon ဟု လူအများက ခေါ်သည်။ သို့သော် နောက်ပိုင်းတွင် သခင်ယေရှုက “သင်သည် ပေတရုဖြစ်၏။ ဤကျောက်ပေါ်မှာ ငါ့အသင်းကို ငါတည်ဆောက်မည်။” (မသဲ ၁၆း၁၈) ဟု ဆိုသည်။

ပေတရုသည် အရွယ်ရောက်လာသော အချိန်တွင် ညီဖြစ်သူ Andrew နှင့်အတူ ဇာတိချက်ကြွေရာအရပ် နှင့် မနီးမဝေး တွင် ရှိသော ကပေရနောင် ရွာသို့ ပြောင်းရွေ့ နေထိုင်ပြီး Zebedee ၏ သားနှစ်ယောက်ဖြစ်သော James နှင့် John တို့ ညီအစ်ကိုနှင့် အတူ လက်တွဲကာ အလုပ်လုပ်သည်။ လုပ်ဖော်ကိုင်ဖက် သူငယ်ချင်း ၄ ယောက်စလုံးကို သခင်ယေရှုက နောက်လိုက် တမန်တော်များ အဖြစ်ရွေးချယ်ခေါ်ယူခဲ့သည်။ ထို့ကြောင့် သခင်ယေရှု သည် သူ၏ သာသနာ ဌါနချုပ်အဖြစ် ကပေရနောင် မြို့ကို အသုံးပြုသည်ဟု ဆိုကြသည်။

တစ်ခုသောနေ့ရက်တွင် သခင်ယေရှုသည် ထိုအရပ်ဒေသတ၀ိုက်တွင် လှည့်လည် ဟောကြားစဉ် တံငှါလှေ တစ်စီးကို တွေ့ရာ များပြားလွန်းသော ကမ်းခြေရှိ လူအုပ်ကြီးကို ဟောကြားရန် ထိုလှေကလေးကို တရားဟောစင်မြင့် သဖွယ် အသုံးပြုခွင့်ပေးရန် ပိုင်ရှင်အား တောင်းသည်။ ထိုလှေငယ်ကလေး၏ ပိုင်ရှင်သည် ပေတရုဖြစ်ပြီး၊ အကူအညီ ပေးရန်သဘောတူသည်။ ဟောကြားခြင်းပြီးသောအခါ ယေရှု က လှေရှင် ပေတရုအား ကမ်းမှ အနီးငယ် ခွါရန် နှင့် ပိုက်ကို ရေထဲချရန်ပြောသည်။

ပေတရုက မနေ့ည တစ်ညလုံး ပိုက်ချ ကာ ငါးဖမ်းခဲ့ကြောင်း တစ်ကောင်မျှ မရကြောင်း သို့သော် အမိန့်တော်ရှိလျှင် ငါးဖမ်းပိုက်ကွန်ကို ယခုပြန်ချပါမည် (လု ၅း၅) ပြန်ဖြေသည်။ ငါးဖမ်းပိုက်ကွန်ကို ချကြည့်ရာ မိမိ တစ်ယောက်တည်း ဆွဲမတင်နိုင်လောက်အောင် ငါးများစွာ ဖမ်းမ်ိသဖြင့် ကမ်းခြေတွင် ရှိသော လုပ်ဖော်ကိုင်ဖက် များကို အော်ဟစ်ကာ အကူအညီတောင်းယူရသည်။

ပိုက်ကွန်တွင် မိသော ငါးအားလုံး လှေပေါ်ရောက်ပြီးနောက် ပေတရုက ယေရှုအား မိမိသည် အပြစ်ကြီးသူ ဖြစ်သောကြောင့် အဝေးသို့ ထွက်ခွါရန် တောင်းပန်သည်။ သို့သော်ယေရှုက “မကြောက်ပါနဲ့၊ သင်သည် ယနေ့က စပြီး လူကို မျှားသော တံငှါဖြစ်မည်” (လု ၅း၈-၁၀) ဟု မိန့်သည်။ ကမ်းခြေသို့ လှေ ဆိုက်ဆိုက်ခြင်း လူးလွန့်ခုန်ဆွနေဆဲ ငါးအပြည့် တင်ဆောင်သည့် လှေကို လုံးဝပစ်ထားခဲ့ပြီး သခင်ယေရှု သွားလေရာရာ နောက်သို့လိုက်သည်။

ရေပေါ်တွင်လမ်းလျှောက်ခြင်း
ယာကုပ် (James) ယောဟန်(John) နှင့် ပေတရု တို့သည် သခင်ယေရှု ၏ အရင်းနှီးဆုံး မိတ်ဆွေ ၃ ယောက် ဖြစ်လာသည်။ သခင်ယေရှု ပြုသော အံ့ဖွယ်အမှုအရာများဖြစ်သည့် အမျိုးသမီးငယ်လေး တစ်ယောက်ကို သေရာမှ အသက်ပြန်ရှင်စေခြင်း၊ ဧလိယ နှင့် မောရှေ တို့၏ ၀ိညဉ် နှင့်တွေ့ဆုံခြင်း အဖြစ်အပျက် များကို ပြန်လည် ဝေငှသက်သေခံ သောသူ သည်လည်း ဤ ၃ ယောက်သာ ဖြစ်သည်။

နောက်ပိုင်းတွင် ပေတရုသည် နောက်လိုက်တမန်တော် ၁၂ ပါးကို အဓိကဦးဆောင်သူ အခရာ ကျသူ ဖြစ်လာသည်။ ဓမ္မသစ်ကျမ်း တွင် တမန်တော် ၁၂ ပါး၏ အမည်ကို ဖော်ပြတိုင်း ပေတရု ၏ နာမည်ဖြင့် စသည်။ လေပြင်းမုန်တိုင်း တိုက်ခတ်သော နံနက် ၃ နာရီခန့် အချိန်တွင် ပြုသော ပီတာ၏ အမှုအားဖြင့် သူ၏ ဦးဆောင်မှု အခန်းကဏ္ဍကိုထင်ထင်ရှားရှား တွေ့မြင်နိုင်သည်။ ယေရှုက နောက်လိုက် တမန်တော်များ အား ဂါလိလဲ အိုင်၏ အခြားတဖက်ကမ်းသို့ လွှတ်လိုက်စဉ်၊ လေပြင်းမုန်တိုင်း တိုက်ခတ်သည်။ သခင်ယေရှု ကအိုင်ပေါ်တွင် လမ်းလျှောက်ပြီး လိုက်လာသည်။ တမန်တော်များက သခင်ယေရှုကို မြင်သောအခါ သစေသူရဲ ဖြစ်သည် ဟု ထင်ကာတုန်လှုပ်ကြသည်။ သို့သော် သခင်ယေရှု က မကြောက်ကြရန် သူဖြစ်ကြောင်းပြောသည်။

ပေတရုကလည်း၊ သခင်ကိုယ်တော်မှန်လျှင်အကျွန်ုပ်သည် ကိုယ်တော်ထံသို့ရေပေါ်မှာ လာရမည်အကြောင်း မိန့်တော်မူပါဟု တောင်းလျှောက်သည် (မသဲ ၁၄း၂၈)။ ပေတရု လည်း သခင်ယေရှု နှင့် အတူ ရေပေါ်မှာ လမ်းလျှောက်သည်။ သူ၏ အမြင်အာရုံကို သခင်ယေရှု ထံမှ လွှဲလိုက်မိသော အချိန်တွင် နှစ်လုနီးပါး ဖြစ်သည်။

ကားစင်တင်သတ်ခြင်းအမှုကို တားဆီးရန်ကျိုးစားခြင်း
သခင်ယေရှုအား ကားတိုင်တွင် အသတ် မခံရလေအောင် ပေတရုသည် အနည်းဆုံး ၂ ကြိမ်တိုင်အောင် ကျိူးစားခဲ့သည်။ ပထမအကြိမ်သည် သခင်ယေရှုအား အသက်ရှင်တော်မူသော ဘုရားသခင်၏ သားတော် မေရှိယအမှန် ဖြစ်တော်မူသည်ဟု ကြွေးကြော်ပြီး မကြာမမြင့်ချိန် တွင်ဖြစ်သည်။ သခင်ယေရှုက မကြာခင် သူ အဖမ်းအဆီးခံရမည်ဖြစ်ကြောင်း အတိအလင်းပြောသည်။ အဖမ်းခံရမည့် အကြောင်း သူပြောနေကြ ပုံဥပမာ သုံးသည့် ပုံစံဖြင့် သွယ်ဝိုက် ပြောခြင်းမဟုတ်ဘဲ ဒဲ့ဒိုး၊ အဖြစ်ကို အဖြစ်အတိုင်းပြောခြင်းဖြစ်သည်။ ထိုခေတ် ထိုအချိန်အခါတွင် ဂျူးလူမျိုးတို့က မေရှိယ သည် ဂျူးနိုင်ငံတော်ကို ပြန်လည်တည်ထောင်မည်ဖြစ်ပြီး ဒါဝိဒ်မင်းကြီး လက်ထက် ကဲ့သို့ ကြီးကျယ် ခန်းနားသော ခေတ်ကို ပြန်ရောက်မည်ဟု ယုံကြည်ကြသည် နည်းတူ၊ ပေတရု၏ နှလုံးသားတွင်လည်း ထင်ယောင်စွဲမှတ်ခဲ့ပုံရသည်။
“ထိုအခါ ပေတရုသည် ကိုယ်တော်ကို မိမိနှင့်အတူခေါ်၍၊ သခင်ကိုယ်တော်၌ ဤသို့မဖြစ်ပါစေနှင့်။ ဤအမှုသည် ကိုယ်တော်၌ မရောက်ရာဟု ပြစ်တင်သော စကားကို လျှောက်သော်” (မသဲ ၁၆း၂၂-၂၃) သခင်ယေရှုက “အချင်းရန်သူ၊ ငါ့နောက်သို့ ဆုတ်လော့။ သင်သည် ငါတိုက်မိ၍ လဲစရာအကြောင်းဖြစ်၏။” ဟု ရန်သူ ဟူသော အသုံးအနှုံးဖြင့် ပြန်ဖြေသည်။

ပေတရု သည် ကိုယ်ထိလက်ရောက် ကျူး လွန်ခြင်းအားဖြင့် ဒုတိမြောက် ကျိူးစားသည် ဗိမ္မန်တော် အစောင့် တပ်သား များက ဂေသရှေမန် ဥယျဉ်တွင် သခင်ယေရှုကို ဖမ်းဆီးရန် ရောက်လာစဉ် ပေတရု က Malchus ကို ဓါးဖြင့် တိုက်ခိုက်သဖြင့် ညာဖက် နားရွက်ပြတ်သွားသည် (ယော ၁၈း၁၀)။ ယေရှု ကပေတရုအား ဓါးကို သိမ်းရန် အမိန့်ပေးပြီး Malchus ၏ ပြတ်ထွက်သွားသော ညာဖက် နားရွက်ကို နဂို အကောင်းပကတိအတိုင်း ပြန်ဖြစ်စေသည်။

သို့သော် မကြာမီသူ၏ သတ္တိသွေးများ ကြက်ပျောက် ငှက်ပျောက် ပျောက်ကုန်သည်။ သူ့ကို ယေရှု နှင့် အတူသွားလာသည် ဟု မှတ်မိသူ ၃ ယောက်ထံ သူသည် ယေရှု ကို မြင်ပင် မမြင်ဖူးကြောင်း နံက်ယံ ကြက် မတွန်ခင် သုံးကြိမ်တိုင်အောင် လိမ်လည်ကာ သခင်ယေရှုကို ငြင်းပယ်ခဲ့သည်။ ဤ အတိုင်းဖြစ်ပျက်မည့် အကြောင်း သခင်ယေရှု နှင့် တမန်တော်များ၏ နောက်ဆုံးအကြိမ်အဖြစ် ညစာ အတူတကွ စားသုံးစဉ်တွင် သခင်ယေရှု ကြိုတင် မိန့်မှာခဲ့သည်ကို ရုတ်တရက်စိတ်တွင် ပေါ်သဖြင့် ပေတရု ရှိုက်ကြီးတငင် ငိုယိုကာ အဝေးသို့ ပြေးထွက်သွားသည်။

အသင်းတော်ကိုတည်ထောင်သူ
သခင်ယေရှု ၏ရှင်ပြန်ထမြောက်ခြင်း ကိုမြင်တွေ့သောပေတရု၏ စိတ်တွင် သေခြင်းတရား ဟူသည် လူ့ဘ၀ လူသားတို့အတွက် အဆုံးသတ် မဟုတ် ဆိုသည့် ယုံကြည်ခြင်းကို ခိုင်မာစေသည်။ ထို့ကြောင့် သခင်ယေရှု ကားတိုင်တင်ခြင်းခံရပြီး နောက် တစ်ခုသော နွေဦးရာသီ တွင်ပြုလုပ်သည့် ပင်တ္တေကုတေ ပွဲနေ့တွင် သခင်ယေရှု အကြောင်းကို ရဲရဲဝန့်ဝန့် သက်သေခံ ဟောပြောသည်။ သခင်ယေရှု ကို ကားတိုင်တင် သတ်ရန် တညီတညွတ်တိုက်တွန်းအော်ဟစ်ခဲ့သော ဂျေရုရှလင် မြို့သူမြို့သားများ၏ ရှေ့၊ ဂျေရုရှလင်မြို့လယ်တွင် ဟောပြောခြင်းဖြစ်သည်။ သူ၏ ရဲရဲဝန့်ဝန့် ဟောကြားမှုကြောင့် ထိုနေ့တွင် လူ ၃၀၀၀ ခန့်က သခင်ယေရှု သေခြင်းကို အောင်နိုင်ပြီး ရှင်ပြန်ထမြောက်ပြီ ဟု ယုံကြည်လာသည်။ ထို့ကြောင့် သခင်ယေရှု က “ဤကျောက်ပေါ်မှာ ငါ့အသင်းကို ငါတည်ဆောက်မည်။” ဟု ရှေးမဆွက ကြိုတင် မိန့်တော်မူခဲ့ခြင်း ဖြစ်ပေမည်။

ပြောင်းလဲလာသည့် ဤ ၃၀၀၀ ခန့် လူအင်အားဖြင့် အမာခံ အစပြုပြီး ဂျူးဘာသာရေး အဖွဲ့မှ ကွဲထွက်သွားသော မေရှိယနောက်လိုက် ဂျူးးဘာသာရေးအသင်းတော် (Mesianic branch of the Jewish faith) သန္ဓေတည် ဖြစ်ပေါ်လာသည်။ အရင်က ဂျူးဘာသာရေး ကျင့်ထုံးများကို တဝေမတိမ်း ဆက်လက် လိုက်နာသည့် ဖာရေရှဲ ဂျူး များရှိခဲ့သည်၊ သေခြင်းသည် လူ့ဘ၀၏ နိဂုံးဖြစ်သည်၊ သေခြင်း၏ နောက်ပိုင်း ဘာမျှ မရှိတော့ ဟု ယုံကြည်သည့် ဇဒ္ဒူကဲ ဂျူးဘာသာ လည်း ရှိသည်။ ယခုတွင်မူ သခင်ယေရှုသည် သေခြင်းကို အောင်နိုင်သော မေရှိယ ဖြစ်သည်ဟု ယုံကြည်သော ခရစ်ယာန် ဂျူး ယုံကြည်သူ အသင်းတော်၊ အဖွဲ့ တခုမွေးဖွါးလာခြင်းဖြစ်သည်။ လူသမိုင်းတွင် ပထမဦးဆုံးသော ခရစ်ယာန်အသင်းတော် မွေးဖွါးခြင်းဖြစ်သည်။

ပေတရု၏ စိတ်တွင် ဂျူးလူမျိုး မဟုတ်သော အခြား လူမျိုးများသည်လည်း သခင်ယေရှု နှင့် သက်ဆိုင်သော သတင်းကောင်းကို ကို ကြားသိသင့်သည် ဟု ယုံကြည်သည်။ လူသားတို့ စားရန် မသန့်ရှင်း မစင်ကြယ်သော တိရိစ္ဆာန် ဟူ၍ မရှိ ကြောင်း ဘုရားသခင် သူ့ကို ရူပါယုံ မြင်မက်စေသည်။ ဂျူးလူမျိုးတို့၏ ယုံကြည်ခြင်းတွင် မသန့်ရှင်း မစင်ကြယ်သော၊ စားရန် မသင့်သော တိရိစ္ဆာန် များနှင့် တန်းတူ ထားသော၊ တပါး အမျိုးသားဖြစ်သည့် ရောမစစ်ဗိုလ်ချူပ် ကောနေလိ ၏ နေအိမ် ကိုပေတရု သွားသည်။ သခင်ယေရှု က မြေကြီးစွန်းတိုင်အောင်၊ တနည်းအားဖြင့် လူမျိူးအားလုံးတို့အား သတင်းကောင်း ဝေငှရန် မှာကြားခဲ့သည်ကို ပေတရု သေသေချာချာ၊ ဦးလည်မသုန် နားလည်သဘောပေါက်ခဲ့သည်။ ပေတရု တည်သော ပထမဦးဆုံး ခရစ်ယာန်အသင်းတော်၏ ပထမဦးဆုံးသော တပါးအမျိုးသား အသင်းသားအဖြစ် ရောမစစ်ဗိုလ်ချုပ် ကောနေလိ နှင့် မိသားစု ၀င်ရောက်လာသည်။ ကောနေလိ နှင့် မိသားစုသည် ဤ ကနဦး အသင်းတော် နှင့် အတူ အမှုတော်မြတ်၌ ရွတ်ရွတ်ချွံချွံ ပါဝင်ဆက်ကပ်ခဲ့ကြသည်။

အသင်းသား များအားလုံး ဂျူး ဘာသာရေး ကျင့်ထုံးနှင့် အညီ အရေဖျားလှီးခြင်း လုပ်သင့် မလုပ်သင့် ဂျေရုရှလင် မြို့တွင်ပြုလုပ်သည့် သခင်ယေရှု၏ ညီ James ဦးဆောင်သော ကွန်ဖရင့် စည်းဝေးပွဲတွင် ငြင်းခုံ တိုင်ပင်ကြစဉ် ပေတရု က ဂျူးလူမျိုး မဟုတ်သော အခြားတပါးသော လူမျိူးများ အား အရေဖျားလှီးခြင်း အတင်းအကြပ် မလုပ်စေသင့်ကြောင်း ဖြောင်းဖျ နိုင်ခဲ့သည်။ သို့သော် ဤ ပြဿနာ အပေါ်အငြင်းအခုံ ဖြစ်ခြင်းအမှု သည် ကာလကြာရှည် ဆက်လက်ဖြစ်ပေါ်နေခဲ့သည်။

ဤ ကနဦးခရစ်ယာန် အသင်းတော်၏ ကိုးကွယ် ၀တ်ပြုခြင်း အစည်းအဝေး များကို စနေနေ့တိုင်း ဂျူးဘုရားကျောင်း (synagogue) တွင်ပြုလုပ်ပြီး တနင်္ဂနွေ နေ့တိုင်း အသင်းသားများ၏ နေအိမ် တွင် ပြုလုပ်သည်။ သို့သော် နောင်နှစ်များစွာ ကြာလာသော အခါ ဂျူးဘုရားကျောင်း (synagogue) တွင် ဂျူးခရစ်ယာန်များ ၀တ်ပြုကိုးကွယ်ခွင့် တားမြစ်ပိတ်ပင်ခြင်းခံရသည်။

ပေတရု၏ ဘ၀နိဂုံး
သမ္မာကျမ်းစာ တွင် ပေတရု ၏နောက်ဆုံးသော နေ့ရက်များ အကြောင်းကို တိတိကျကျ ဖော်ပြရေးသားထား ခြင်းမရှိပါ၊ သို့သော် သဲလွန်စ အရိပ်အမြွက် တော့ ထားခဲ့ပါသည်။ “ငါအမှန်အကန်ဆိုသည်ကား၊ သင်သည် ပျိုသောအသက်ရှိစဉ် ကိုယ်ကို ကိုယ်ပတ်စည်း၍ အလိုရှိရာအရပ်ရပ်သို့ သွားလာတတ်၏။ သင်သည် အိုသောအခါ လက်နှစ်ဖက်ကို ဆန့်ပြီးလျှင်၊ သူတပါးသည် သင့်ကိုပတ်စည်း၍ သင်အလိုမရှိရာအရပ်သို့ ယူသွားလိမ့်မည်ဟု မိန့်တော်မူ၏။ ထိုသို့မိန့်တော်မူသော်၊ အဘယ်သို့သောသေခြင်းအားဖြင့် ပေတရုသည် ဘုရားသခင်၏ ဘုန်းတော်ကို ထင်ရှားစေမည်အရိပ်ကို ပေးတော်မူ၏ . . .” (ယော ၂၁း၁၈-၁၉) ပေတရု၏ ဘ၀ နိဂုံးတွင် ဘုရားသခင်၏ ဘုန်းတော်ကို ထင်ရှားစေမည် ဟု သခင်ယေရှု ကြိုတင် မိန့်မှာခဲ့သည်။

ထိုခေတ် ထိုအခါတွင် ရေးသားခဲ့သော ခရစ်ယာန် စာရေးဆရာ အမြောက်အများက ပေတရုသည် ရောမမြို့တွင် ကားတိုင်တင်သတ်ခြင်း ခံရသည်ဟု ရေးသားကြသည်။ အေဒီ ၂၀၀ ပတ်ဝန်းကျင်ခန့်တွင် ပေါ်ထွန်းခဲ့သည့် ခရစ်ယာန်စာရေးဆရာ Eusebius က ပေတရု နှင့် ပေါလု တို့သည် ၄င်းတို့၏ အသက် ၆၀ ကျော် ပတ်ဝန်းကျင်ခန့် ရှိသည့် အချိန်၊ ဂျေရုရှလင် ခရစ်ယာန် အသင်းတော်ကို ဦးဆောင်သော  ယေရှုခရစ်တော်၏ညီ James အား ဂျူးလူမျိုးများက သတ်ဖြတ်ခဲ့သော အချိန်ခန့်တွင်ပင်၊ ရောမမြို့တွင် သေသည် ဟု ရေးသားသည်။

အေဒီ ၆၄ ခုနှစ် ဂျုလိုင်လ (၁၉) ရက်နေ့တွင် လူဦးရေ နှစ်သန်း ခန့်ရှိသော ရောမမြို့ မီးအကြီးအကျယ် လောင်ရာ ခြောက်ရက် ကြာမှ မီးညွန့် ကြိုးခဲ့ သော်လည်း နောက်ထပ် သုံးကြိမ်တိုင် ပြန်လောင်သဖြင့် ရောမမြို့ ၏ သုံးပုံနှစ်ပုံ ပျက်ဆီးသွားခဲ့သည်။ ဆီးနိတ်လွှတ်တော် နှင့် မပြေမလည် ဖြစ်သဖြင့် နေရိုး (Nero) ဘုရင်က ဆီးနိတ်လွှတ်တော် တစ်ခုလုံး ပျက်ဆီးသွားရန် တိတ်တဆိတ် မီးရှို့ဖျက်ဆီးခိုင်းသည် ဟု သမိုင်းပညာရှင် အတော်များများက ယူဆသည်။ အဘယ်ကြောင့်ဆိုသော် နေရိုး ဘုရင်သည် ထိုအချိန်မတိုင်ခင်ကလေးတွင် အဝေးတနေရာရှိ အပန်းဖြေစခန်းတစ်ခု သို့ရောက်နေသောကြောင့် ဖြစ်သည်။

သို့သော် နေရိုး Peter 1ဘုရင်က ဂျူးးခရစ်ယာန်များ ကြောင့်ဖြစ်သည်ဟု စွတ်စွဲ ပြီး ဂျူးခရစ်ယာန် များကို ဖမ်းပြီး ကားတိုင်တင်သတ်ခြင်း၊ ခြင်္သေ့စာ အဖြစ်ကျွေးခြင်း နှင့် gladiator ခေါ် တိုက်ခိုက်ရေးသမားများနှင့် ပရိတ်သတ် ရှေ့တွင် တိုက်ခိုက်သတ်ဖြတ်စေခြင်း များဖြင့် အကြီးအကျယ် လုပ်ကြံနှိမ်နင်းသတ်ဖြတ်သည်။ ညတွင် ပြုလုပ်သည့် လူသတ်ပွဲ များတွင် ခရစ်ယာန်များကို တိုင်တွင် ချည်နှောင်ပြီး ဆီနှင့်လောင်းကာ ပရိတ်သတ် က လူသတ်ပွဲကို ကြည့်ရန် အလင်းရောင် အဖြစ် မီးရှုးမီးတိုင်အဖြစ် ရှို့ကာ နှိပ်စက် သတ်ဖြတ်သည်။ ထိုခေတ်ထိုအချိန်တွင် ပေတရုလည်း အသတ်ခံခဲ့ရသည်ဟု ပညာရှင်များက ယူဆသည်။

အေဒီ ၂၀၀ ပတ်ဝန်းကျင်ခန့်က ခရစ်ယာန်သီအော်လိုဂျင် (Theologian) တစ်ဦးဖြစ်သူ Origen ကမူ၊ ပေတရု သည် ရောမမြို့၌ သူ ဆန္ဒရှိသည့် အတိုင်း ကားတိုင်ပေါ်တွင် ဇောက်ထိုး၊ ပြောင်းပြန် ကားတိုင်တင် သတ်ဖြတ်ခြင်း ကို ခံရသည် ဟုရေးသားသည်။

ရှေးဟောင်းသုသေသန (Archaeologists) ပညာရှင် များက ရောမမြို့ ဗာတီကင် တောင်ကုန်းပေါ်တွင် ပေတရု အောက်မေ့ဘွယ်ရာအဖြစ် တည်ထားသော စိန့်ပီတာ ဘုရားကျောင်း အောက်တွင် ပေတရု ၏ အုတ်ဂူနှင့် အကြွင်းအကျန် များဟု ယူဆရသော အရိုးများကို တွေ့ရသည်ဟု ၁၉၆၈ ခုနှစ် ဂျွန်လ (၂၆) ရက်နေ့တွင် ကြေငြာသည်။

သောင်းနိုး (Thawngno)

Ref: Who’s who and Where’s where in the Bible

Peter 4

စိန့်ပီတာ ဘုရားကျောင်း၏ဤ နေရာအောက်တဲ့တဲ့တွင် ပေတရု ၏ အုတ်ဂူကို Archaeologist များက တွေ့ရှိခဲ့သည်

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Information

This entry was posted on December 3, 2014 by in People of the Bible.

VISITORS NUMBER

  • 78,487 Since July 2011

Enter your email address to follow this blog and receive notifications of new posts by email.

Join 1,727 other followers

Hours & Info

(202) 347-8355
____________________
Sunday Worship:
1:30 PM - 4:30 PM

____________________
Home Cells:
Maryland: Fri 7:00 PM
Virginia: Mon 7:00 PM